هل تشعوروا بالراحة وضمائركم مرتاحة لما يحدث فى الميدان لما يحدث لاولادنا فى جميع الميادين ما الذى وصل بالموقف لهذا الوضع الحرج الوضع الذى لا يرضاه دين ولا ملة ولا طائفة ولا يرضاه عقل ولا منطق وبسال لم نرى الشرطة فى الشوارع وفى الميادين تدافع عن الشعب ضد البلطجية وتحقق الامن لم نرى البلطجية السارقين والقاتلين والناهبين للبلد ومن افسدوا حياتنا يتعرضوا لهذا السحل والضرب والعنف الذى يواجهه اولادنا فى الميادين الان .عايز تشوف الحقيقة أنزل التحرير شوف ناس دمها بيجرى على الارض ناس بتموت وبتداس وبتتهان ناس واهبه حياتها عشان بلدهانزلت الى الميدان وشعرت انى فى ساحة قتال ساحة معركه دامية غير متكافأه شباب أعزل يواجة عنف بيضرب ويجرح ويهان ورود بتدسها الاقدام دماء الشباب وظلم عيان بيان وكأننا فى زمن المخلوع وكأننا نحى ذكرى أستشهاد ثوارنا فى 25 يناير وكأن لم تمر الايام قهر وظلم والالام قنابل مسيلة وخرطوش ورصاص حى ومطاطى وجثث ملقاة كأنها قمامة شوفت البنات بتضرب والشباب بيتسحل والانسان لا قيمه له أين حقوق الانسان ؟ رجعت من الميدان وقلبى ينزف حزنا على شباب فى ريعان الشباب لا ذنب له وبسال الناس اللى اخدت قرار بضرب الثوار وتشوية صورتهم مصريين عندهم ضمير .ومازالت الناس تجلس امام التليفزيون تتفرج وكأنها حلقه او فيلم اكشن والبرامج منها ما هو يناقش الموضوع ومين السبب وايه اللى وصل الموضوع لذلك الحد .... كلام ف كلام كل الناس بتكلم بس ولا واحد فكر فى من هم فى الميدان ومصيرهم وعدد الضحايا الذى يرتفع كل لحظه والمصابين !!وبرامج تتكلم عن الانتخابات تتخيل أنتخابات ايه فى هذا المناخ واى مجلس سوف يظفر عنه هذا المناخ أنها مهزله وللاسف الجميع يشترك فيها