باب الشمس مفتوح ومتوارب

قلب الأمل لسه فى نبض

لو تقدر تمشى عالنجوم..عدى وأوصلها,

ولو مش هتقدر خليك واقف عالأرض

ده اللى برضى بنور القمر

هيعيش حياته فى ظلمه بجد

زى اللى بيبص تحت رجليه,

وحواليه فى جناين ورد

بتبقى الجنه قدامه ومش شايف,

لأنه شاغل نفسه بمليون حد

مين راح ومين جه,

ومين أغتنى, ومين عالقد

قاعد بيذكر فى عيوب الناس

وهو عيوبه مالها عد

لو عندك حلم أشغل نفسك بيه

حدد هدفك وأجرى عليه

متقولش بكره..قول دلوقت

إمبارح متندمش عليه,

بكره محدش عارف هيحصل أيه

ده من جد وجد

ده النهار طالع والصبح بيشقشق

عصافير طايره عالشجره بتزقزق

وخرير مياه فى جدول

منحوت فى الأرض

باب الشمس مفتوح ومتوارب

وقلب الأمل لسه فيه نبض