ولا سُـنة واجبة علينا نتبعــها

طب ليه بقى نسكت ونتنـازل  

وازاى  نسيبك وانت بتبيعــها

 

الأمــر أمر الله على المخــاليق

وهو وحــــده اللى يُجاب ويُطـاع

واللى لجأ له بقلبه وقت الضيق

مايخـافش من حاكم ولا أتبـاع  

 

ضى الحقيقة من الحيطان نافد

لاح تسجنه أســـوار ولا قضبان

تفتح بيبـــانه أو تكـون رافـــض  

النــور مايستأذنش لجل يبـــان

 

جى الأمـل يحضن وشوش النـاس

بكره النهار يرسى على شطوطـه

من إمتى خـاف الحــلم م الحراس

وعمــل حســاب لسجنه أو موتــه

 

وصلت خطـاوى طريقنا للمفـترق

ومافيش مكان تانى لكدب وفتن

يانعيش ف ذل وحلمنــا يتســرق 

يانمـوت ونتنســم كرامــة وطــن