إستكمالا لسلسلة "حكايــــات" التى بدأناها سابقا.....

لقراءة الحكايات السابقة:

1-http://www.kelmetnamag.com/article/1749/%D8%AD%D9%83%D8%A7%D9%8A%D8%A7%D8%AA/#.Tp9iELJSF5Y

2- http://www.kelmetnamag.com/article/1763/%D8%AD%D9%83%D8%A7%D9%8A%D8%A7%D8%AA-2/#.Tp9iGLJSF5Y

3- http://www.kelmetnamag.com/article/1795/%D8%AD%D9%83%D8%A7%D9%8A%D8%A7%D8%AA-3-%D9%86%D8%B3%D9%85%D8%A9/#.Tp9iGLJSF5Y

4- http://www.masress.com/kelmetna/6201

5- http://www.kelmetnamag.com/article/28973/%D8%AD%D9%83%D8%A7%D9%8A%D8%A7%D8%AA-5%D9%85%D9%86%D9%80%D9%80%D9%80%D9%80%D9%80%D9%80%D9%89/#.Tqe8jrJSF5Y

6- http://www.kelmetnamag.com/article/29992/%D8%AD%D9%83%D8%A7%D9%8A%D9%80%D9%80%D9%80%D8%A7%D8%AA6%D9%85%D9%80%D9%80%D8%B1%D9%8A%D9%80%D9%80%D9%80%D9%85/#.TrHdOrLNWFg

الجزء الثانى....للحكاية (6)...

مضت فترة بعد ما اخبرتها ... اشياء كثيرة تغيرت في علاقتنا ... هي لحظتها رفضت بالطبع ... قالت ان الموضوع مستحيل وبلا هدف ... وأن مشاعري هذه ليست عقلانية ... لكنها قالت لي شئ مهم جدا ...

(( أى بنت في مكاني مش هتكلمك تاني وتاخد جنب والحركات دي .. بس انت واحد من اقرب الناس ليا .. واعز صديق ليا في الدنيا .. فعشان خاطري .. نحاول نرجع اصحاب تاني .. لاني محتجالك بجد ... )) .. ووعدتها أنني .. (( سأحاول .. ))

و حاولت ...
كنت انقل كل مشاعري في الروايات .. وقصائد الشعر .. ولحنت الحان كثيرة ... معلومة لا يعرفها الكثير عني هو انني في تلك الفترة قد سجلت ما يقرب لـ أربعة وثلاثين لحن علي ثلاث شرائط كاسيت .. وأخر شريط منهم ذهبت واخذت صورة لأضعها علي غلافه .. وكان اسمه ( رحلة عمر ) ... والشريطان الآخران كانوا ( همسة قلوب ) و ( هي ) ... !

حسنا .. تلك هي الفترة التي فعلت فيها كل هذا .. محاولا تجنب مشاعري ناحيتها ...

لكن ... !!!
بدأت نظرتها لي تختلف .. كنا احيانا كثيرة نظل صامتين ولا نفعل شئ الا ان ننظر لبعض .. نمضي وقتا أكبر نتحدث في كل شئ .. كانت الموبايلات ايامها غير متاحة .. والدقيقة كانت بـ ( 1,50 ) .. وكنت اصلا أحمل الموبايل لحظتها لأعزف عليه الرنات التي أحبها .. فلم يكن متاح لي ولها التحدث في الهاتف .. لذا .. عندما كلمتني هي لأول مرة علي هاتف المنزل كدت اقفز من الفرحة ...

ثم انتهت ( ثانية ثانوي ) لتأتي الاجازة .. وكنت افتقدها بشدة .. لذا عندما رتبوا ( خروجة ) للشلة .. كنت اعددت نفسي لكي افتح معها الموضوع ثانية .. وقد فعلت ...

((( النادي الاهلي .. 23_1_2002 ... )))
تمشينا وحدنا أنا وهي .. هناك ذلك الصمت المشحون .. حاولت أن أسخر من كل شئ كعادتي لكن سخريني صعدت فاترة وسخيفة حتي جلسنا وحدنا علي تلك المائدة لأخبرها بذلك المنطق شديد العقلانية ...
(( لو الدنيا كلها ماشية بالعقل .. ليه مانعملش احنا دنيتنا بتاعتنا اللي يبقي اساسها الجنون ؟!! ))
نظرت لي لا تدري ما تقول لأكمل أنا ...
(( الناس كلها ماشية بالعقل .. ولو مشينا بالعقل .. يبقي احنا مستحيل نرتبط .. بس أنا مش مستحمل .. أنا مش عارف أمشي في حياتي الا و أنا بفكر فيكي .. انت قلمي والحاني وقصايدي و رواياتي .. انت دنيتي .. فأكيد .. في عالم المجانين .. احنا لينا مكان .. لينا دنيتنا بتاعتنا .. بس احنا لازم نتجنن ونكون قد جنوننا ... ))

صمتت هي ناظرة لي ... فقلتها اخيرا .. (( أنا بحبــــــــــك )) .. وعندما صمتت ناظرة لي .. قلت آسفا .. (( كلام زي الزفت ومش مقنع اطلاقا .. صح ؟!! ... )) وعندما زاد صمتها .. قلت ساخرا متذكرا (منـــى ) .. (( أنا عارف أني أخ عزيز .. وانت مش كدة .. بس عشان خاطري ماتجريش عشان احنا في نادي محترم وهنا هيفتكروني بعاكسك أو .. ))
(( بحبــــــــك ... ))
قاطعتني هي فجأة .. بآخر كلمة توقعت سماعها .. وبدا كأنما هي نفسها لم تستوعب،لذا فقد نظرت لي وقالت بابتسامتها التي لن انساها عمري ... (( بحبـــــــــك ... ))
وضحكت كأنما لا تصدق .. فضحكت معها ..
ليكون هنا هو أول يوم في حياتي .. أرتبط بفتاة ..
لمدة خمس سنين ...
ولكن تلك حكاية أخري ...فإنتظروها...

*******************************