إحنا مش المشاهير.. ده إحنا المناكير
ناقر و نقير
إحنا بتوع التحرير
جينالكو يا بغبغانات، بالعين ميكروفونات
أبوكو؟؟!! أبوكو السقا ماااات
و أهلاً بيكو وسلامات
بتقولو إللي فات مات؟
آه مات.. بعد ما فات
فات و في ديله سبع لفات
أول لفة محاسبات و محاكمات
وآخر لفة إصلاحات في كل المجلات
و إللي يلف علينا يدخل مفرمة البشوات
مفرمة سن سلاحها سنين م القهر
سجون يومها بسنة و سنتها بألف شهر
ثورتكم ثورة مضادة ضد الدهر
لعبة  غير شرعية ما لهاش ضهر
يا حثالات يا كلاب الدولارات
إحنا تخلونا ما نسواش تلات نكلات؟؟؟
و نقف نشحت فيزات من الخواجات؟؟؟؟؟؟؟؟؟؟؟
شوفتو "شخطة" التحرير؟
سمعتو زأرة التغيير؟
شفتو حتة و لسة جاي كتير
و الجيات أكتر من الرايحات..